Ugasili čak šest požara.

Pripadnici Službe zaštite i spašavanja imali su tokom noći šest intervencija gašenja požara. Otežavajuća okolnost je što su svi izbili u približno isto vrijeme, pa su se vatrogascima spasiocima koji su bili u smjeni, pridružile pripravne ekipe, ali i kolege koji su bili slobodni.

Nekoliko većih požara, koji su zahvatili šumu i nisko rastinje u okolini grada, prijetili su da se prošire na stambene objekte. Posebno je kritično bilo u naselju Sokolana, gdje je vatra skoro zahvatila jednu baraku. Srećom, nije bilo povrijeđenih. Osim na tom lokalitetu, požari su bili i u Zelenom pojasu, Šušanju, napuštenoj kući u Polju, a u centru grada su gorjele dvije palme.

Iz Službe zaštite i spašavanja Bar apeluju na sugrađane i goste da ne koriste petarde, vatromente jer pirotehnička sredstva mogu izazvati požar.